විජය කුමාරතුංග දේශපාලනයෙන් ඉවත් කරන්නට එජාපය තීරණය කළේ උණ්ඩයෙන් මිස කතිරයෙන් නොවන බව ඉතිහාසය හාරා අවුස්සන විට අරුම පුදුම දෙයක් නොවේ. විජය අවසානයේදී ම/රා දැමීමට සමත්වන එජාප දේශපාලන තක්කඩියන් එකී චෝදනාව ජවිපෙ පිට පටවා අත සෝදාගත්තේය. මේ දිගහැරෙන්නේ විජය කුමාරතුංග ඝා/තනය කිරීමට වර්ථමාන ජනපති ඇතුළු මැරයින් ගත් පළමු උත්සහය ගැනයි.
1982 ජනමත විචාරණයෙන් එජාපය ආසන 18 ක් පරාජයට පත්විය. මහර ආසනයද ඒ අතර විය. මහර ආසනයටද අතුරු මැතිවරණයක් කැඳවූ අතර එජාපයෙන් කමලවර්ණ ජයකොඩිද ශ්‍රිලනිපයෙන් විජයද තරඟයට අවතීර්ණ විය. 1983 මැයි 18 වනදා පැවති එම මැතිවරණයට දින තුනකට පෙර කඩවත පොලීසියට කඩාවැදුනු රනිල් හා ගෝනවල සුනිල් OIC ගේ පුටුව මත වාඩිවී පොලීසිය ඉදිරියේදී කටයුතු කළ යුතු ආකාරය දැන්වීය. ඊට පසුදින කඩවත පොලීසියට ආ ගෝනවල සුනිල් යළිත් OIC ගේ පුටුව මත වාඩිවී පොලීසියට තර්ජනය කළේය. මෙය ඉතා සංවිධානාත්මක අපරාධ රැල්ලක ආරම්භය විය.
මැතිවරණ දිනයේ මහර ආසනය යුධ පිටියක් විය. සම්පූර්ණ මැතිවරණය මෙහෙයවනු ලැබුවේ රනිල් හා ගෝනවල සුනිල් විසිනි. ඡංද මධ්‍යස්ථාන වෙත කඩා වැදී ඡංද පෙට්ටි අලියා ලකුණින් පිරවීම සාමාන්‍ය සිදුවීමක් විය. මහර ආසනය පුරාම ශ්‍රිලනිපයට එරෙහිව ප්‍රහාරක රැල්ලක් ඇතිවිය. මෙය සොයා බැලීමට ආසනය පුරා ගමන් කළ විජයට ගෝනවල සුනිල් ඇතුළු මැරයින් කිනිගමදී ටී.56 ගිනි අවියෙන් වෙඩි ප්‍රහාරයක් එල්ල කළේය. විජය කුමාරතුංග ඉලක්ක කරමින් එල්ලකළ එම වෙඩි ප්‍රහාරය වැරදී ඔහුගේ ආධාරකරුවෙකු වූ නිමල් ප්‍රේමසිරිට වැදී ඔහු එම ස්ථානයේදීම මියගියේය.
එදින සැන්දෑවේ ගම්පහ කච්චේරියට රැගෙන ආ ඡංද පෙට්ටි ගණං කරන්නට විය. ඒ සෑම අවස්ථාවකදීම විජය ජයගෙන තිබුණි. මෙම තත්වය රනිල් විසින් වෝඩ් පෙදෙසේ සිටි ජේ.ආර්.ට දැනුම් දුන්නේය.
“අපි දිනනකං චන්දෙ ගණං කොරනව. ඔය නළුවට කොහෙත්ම පාර්ලිමේන්තුවට එන්‍න ඉඩ දෙන්න එපා “
ජේ.ආර්. රනිල්ට එසේ උපදෙස් දුන්නේය.
ගම්පහ කච්චේරියේ ඡංද ගණං කරනවිට හදිසියේම විදුලිය විසංධි විය. නැවත විදුලි ආලෝකය ලැබුණු පසු ඡංදය අවසන් වරට ගණිනවා යැයි කියමින් ආරම්භ කළ අතර එතෙක් පරාජිතව සිටි එජාපයේ කමලවර්ණ ජයකොඩි ඡංද 45 කින් ජයගෙන තිබුණි. 
රනිල්ගේ මැර ගෝලයින් එදා ඡංද දිනුවේ එලෙසය.
රනිල්ගේ මැර ගෝලයින් එදා ඡංද දිනුවේ එලෙසය.
